FC St. Pauli

FC St. Pauli
Volle naam Fußball-Club St.Pauli
von 1910 e.V.
Bynaam/me Die Freibeuter der Liga
Stigting 15 Mei 1910
Tuisveld Millerntor-Stadion,
Hamburg
Kapasiteit 24 487 (expanding to 27 000)
Voorsitter Stefan Orth
Bestuurder André Schubert
Liga Bundesliga
2023/24 1. posisie, 2. Bundesliga
Spankleure Spankleure Spankleure
Spankleure
Spankleure
 
Tuiskleure
Spankleure Spankleure Spankleure
Spankleure
Spankleure
 
Wegkleure
Die noordelike hoek van die Millerntorstadion, Hamburg

FC St. Pauli is 'n Duitse sportklub uit Hamburg, wat veral bekend is vir sy sokkerspan. Die klub het aanhangers reg deur Duitsland wat aangetrokke voel tot die kulturele beeld van die klub wat oor jare gevestig is. Die klub word beskou as links, anti-fascisties en tolerant. Die simbool van die rebelse houding is die seerowervlag met sy skedel, die Totenkopf, wat die nie-amptelike simbool van die klub is. Die klub is populêr onder punks, bejaardes, minderhede, homoseksuele en rock-groepe soos Turbonegro, The Sisters of Mercy en New Model Army.

Die tuisveld, die Millerntor-stadion, is geleë in die Hamburgse wyk St. Pauli wat ook der Kiez genoem word. St. Pauli se bynaam die Kiezkicker is hieraan ontleen.

Die klub is gestig op 15 Mei 1910 en was tot 1924 bekend as St. Pauli TV. Die klub het die eerste keer in die openbare oog gekom in 1948 toe die legendariese "Wunderelf" tot in die halfeindstryd van die nasionale kampioenskappe gevorder het.

Die klub se kultusstatus het in die 1980’s ontstaan. Die tuisveld, die Millerntorstadion, word omarm deur die plaaslike bevolking van die Reeperbahn, die rooiligdistrik van Hamburg. Die buurt is bekend vir prostitusie, ontkleeklubs, nag- en dansklubs, asook hope restaurante en kroeë.

Die ondersteunersbasis rondom St. Pauli het verder ontwikkel toe linkse aktiviste hulle by die klub geskaar het nadat die bestuur van St. Pauli die eerste klubbestuur geword het wat hulle amptelik van regse ekstrimiste en uitinge van nasionalisme gedistansieer het.

St. Pauli het ook 'n suksesvolle rugbyafdeling. Die mans speel in die tweede Bundesliga, terwyl die damesafdeling in 1995, 2000, 2001, 2003, 2005 en 2006 die Duitse kampioenskap gewen het.


From Wikipedia, the free encyclopedia · View on Wikipedia

Developed by Tubidy